高記飯店

营业中

休息中

平時係黃竹坑番工已經冇啖好食，只係想簡單食飽，今日諗住行入熟食中心食晏，見到哩間野，雖然上次都係到食過一次拉麵，中左伏，碗湯勁騷，但諗住今次食碗咖哩飯，簡單野，一堆汁+吉列豬扒，點知咁樣諗又中伏。先講外表，一遞過黎，唔講以為上面係肉醬，食落先大鑊，完全唔係日式咖哩，只有少少咖哩香料味，又唔咸又唔甜，食落好似食緊一pat泥咁。諗住成餐飯都只係食d豬扒同飯，點知食落先發現碗底成碗油係到，就黎可以用黎炸多次豬扒，最終連飯都食唔晒。唯一正常d係豬扒，如果真係要食，建議唔好叫咖哩同豬扒要另上。第一次食飯食到咁嬲要打食評，唔怪之得間鋪咁少人食。