餃餃餃子 (已結業)

利东街以全新面目见人，连带侧旁o既厦门街都旺埋一份，街上o既食肆更明显比以前光鲜得多 。眼见会计小姐近期少咗煮饭，午餐主要都系食饭盒，所以就提议一试新开冇耐o既日式饺子店「饺饺饺子」。周四中午十二点半左右，啱啱落咗场大雨，小店门外已企有人龙，好在全部都系买外卖，二人拍门攞飞之际，刚巧有食客离开，入内正好有两张对住厨房o既高櫈吧位等紧我地 。店子以木为主o既装潢尚算简洁企理。所提供o既即弃餐具、清水及四款酱油全为自助式。印于筷子套上o既「饺子物语」大多为汉字，对识睇中文o既朋友应该都好易明 。因午饭时间只有一个钟，试业期间设定每人最低消费$50，我地就一人叫咗个午市套餐。$65包咗前菜一碟、饺子八只、及日式咖哩饭一碗，另收加一服务费。 前菜之凉拌芽菜：芽菜爽脆，甜美又醒胃，平时唔钟意食菜o既小肥都食到lam lam 脷 ，认真难得。 日式咖哩饭：热辣辣o既咖哩饭香甜少辣，饭粒软熟饱满，份量啱啱好，食后起码唔会过饱，感觉好健康 。 Chao Chao饺子：招牌饺子一口一只，皮薄馅幼嫩 ，轻轻点上酸味o既「饺子酱油」可减少腻感，不过个人觉得其实唔点更为滋味。「饺饺饺子」为湾