JIKKA

营业中

休息中

观塘工业区揾食一游，诚意热狗加苹果柠檬烤鸡。先讲热狗，Menu有经典狗、虾霸狗、蟹霸狗，友人推荐试虾霸狗，面包上面啲芝麻烤到脆卜卜，配埋虾肉香肠同酱汁好正。另外个烤鸡真的不得了，苹果柠檬呢个配搭令到鸡肉唔老仲保留劲多肉汁，连鸡入面个苹果都好似炖苹果咁好好味，做到鸡肉有苹果味，苹果有鸡肉味，友人仲介绍如果外埋回家都仲系嫩滑好味。另外仲有沙律同洋葱汤，个洋葱汤洋葱多到啖啖都有洋葱，令到个汤劲鲜甜。除咗野食，果汁同咖啡都好高质，店主对咖啡有要求。选用靓咖啡豆，此外店肉亦有滴漏咖啡杯卖，啡友可以黎研究下。另外可以试吓佢个甘荀橙汁，呢个配搭新鲜健康之选。顺带一提，呢间系宠物有善餐厅，有毛孩餐单，可以带埋毛孩一齐嚟食嘢。