喵盒子 (已結業)

恢复晚市堂食嘅首晚，梗系要出去食番餐庆祝下🥳，今次拣咗屋企附近嘅 MeowBox，一间以猫为主题，但系成间店入面一只真猫都唔见嘅 cafe😆。好耐冇食过 All Day Breakfast，所以今晚叫咗一客，入面嘅食材有炒蛋，香肠，杂菌，烟肉，多士同沙律，份量正常。当中最好食嘅系大肉肠，又香又 juicy，劲正👍；炒蛋都好嫰滑，入面仲有蛋汁，如果多番少少调味就更加理想；沙律系配秘制柠檬酱，本来对呢个酱有多少少期望，但系食完就觉得唔太特别。反而跟餐嘅 Americano 系一大亮点，咖啡既香且浓，非常有水准，后来先知道呢度嘅 barista 曾经攞过奖，认真失敬失敬🙇。为咗杯咖啡，我以后会再嚟帮衬。