Mellow Brown Coffee by UCC (已結業)

嘆杯咖啡食個lunch，今日唔算多人，一個人嘅好處係好快安排到座位。好enjoy望住店員沖咖啡，視覺上感覺好好。茄汁海鮮意大利燴飯 - 茄汁均勻食用，有原隻青口同蝦，少少其他海鮮粒，份量唔算太多，酸酸甜甜味道一般。沙律吧 - 發現沙律吧重現，比係以前嘅質素落差幾大，少款，沙律菜都無只得生菜。餐飲咖啡 - 品牌咖啡出品，質素保證，尤其是睇住佢沖調嘅過程，就更加令杯咖啡份外好飲，咖啡香濃但如果after taste果香味多些少會更好。加$40有沙律吧同餐飲，喺呢個商場黎講算做ok價錢。