檀島咖啡餅店 (海悅豪園)

营业中

休息中

檀岛嘅多层酥皮蛋挞我一向都好钟意食，但最近我哋嚟嚫都系为咗食午餐，虽然职员态度麻麻，但味道都唔错，除咗价钱平，仲好快，坐低职员送埋餐，但想坐耐少少倾计就唔系咁适合喇，因为堂食地方细座位少好多人等位。挪威烟三文鱼野菌忌廉炒意粉，有两块好薄又大块嘅烟三文鱼，浓厚嘅忌廉汁啱啱收晒挂喺意粉，好味。香草鸡肉野菌忌廉炒意大利粉，鸡肉唔多，同上面嘅意粉差唔多，都系好味。日式彩椒猪扒炒乌冬，猪扒松软，几惹味。吉列鱼柳三文鱼碎麻酱天使面，有一块薄烟三文鱼，吉列鱼柳都可以，平时好少食天使面，觉得太淋，但做成冷面配麻酱就好夹，夏天食最啱。粟米薯蓉，薯蓉幼细，饱肚又唔贵。鸡批较干。酥皮蛋挞，虽然唔系好新鲜但食得到层次够又松化。鸡批都系较干又唔热。