影片
更多
2024-04-11
387 浏览
呢一日心思思，做完治疗后，立即沿砵兰街直行，再次嚟帮衬呢间店舖。入到店后，立即安排我坐卡位嘅一边，而店员已经拎好笔同纸起侧边等候，令我有啲压力感。好彩我没有选择困难症，很快就决定要一碟食过翻寻味嘅炸鱼皮，$15，牛坑腩加牛板筋幼面，配热咖啡，$70，一共$85。先嚟炸鱼皮，而热咖啡亦好快就到，面就随后到，虽然都等咗碗面一段时间，但都无第一次咁耐。炸鱼皮依然咁大碟，依然系咁脆，依然放落汤度会有滋滋声，呢啲系新鲜食材嘅证明，无得唔服。坑腩好腍，牛板筋呢就啲肉食等到鲜味，但啲筋就真系好硬，虽然切得好碎，但都好似食紧硬胶咁硬，唔太好食。幼面系蛋面，唔系碱水面，好爽口弹牙，而且份量都好多，多嘅程度系比普通粉面包嘅份量多，唔会系两三著就食完，所以食嘅时候，一定要扬松先好食，因为佢嚟嘅时候，啲面系压起底，而且有啲实心，但啲面系熟透嘅。至于碗汤就好失败，好咸，完全唔系清汤，成个饮食体验最差就系个汤。而呢餐最大惊喜系咖啡，虽然我唔系好识欣赏，但饮落口嘅感觉好似连锁快餐店嘅即磨咖啡，而唔似茶记嘅咖啡粉开出嚟嘅味道，好正。美中不足嘅系只有包装白砂糖，而无咖啡糖供应，否则成件事会更完美。碗面扬松后嘅卖相，可以
入到店后，立即安排我坐卡位嘅一边，而店员已经拎好笔同纸起侧边等候，令我有啲压力感。好彩我没有选择困难症，很快就决定要一碟食过翻寻味嘅炸鱼皮，$15，牛坑腩加牛板筋幼面，配热咖啡，$70，一共$85。
先嚟炸鱼皮，而热咖啡亦好快就到，面就随后到，虽然都等咗碗面一段时间，但都无第一次咁耐。
炸鱼皮依然咁大碟，依然系咁脆，依然放落汤度会有滋滋声，呢啲系新鲜食材嘅证明，无得唔服。
坑腩好腍，牛板筋呢就啲肉食等到鲜味，但啲筋就真系好硬，虽然切得好碎，但都好似食紧硬胶咁硬，唔太好食。
幼面系蛋面，唔系碱水面，好爽口弹牙，而且份量都好多，多嘅程度系比普通粉面包嘅份量多，唔会系两三著就食完，所以食嘅时候，一定要扬松先好食，因为佢嚟嘅时候，啲面系压起底，而且有啲实心，但啲面系熟透嘅。
至于碗汤就好失败，好咸，完全唔系清汤，成个饮食体验最差就系个汤。
而呢餐最大惊喜系咖啡，虽然我唔系好识欣赏，但饮落口嘅感觉好似连锁快餐店嘅即磨咖啡，而唔似茶记嘅咖啡粉开出嚟嘅味道，好正。美中不足嘅系只有包装白砂糖，而无咖啡糖供应，否则成件事会更完美。
碗面扬松后嘅卖相，可以见到面嘅份量相当多
碗面嚟嘅时候卖相，可以见到材料几多之余，系配有葱及炸蒜
炸鱼皮份量相当多，而且无添加及好新鲜，非常难得，而且只卖$15，绝对抵食
张贴
