The Meek Coffee

营业中

休息中

来了牛头角返工几个月，发现左呢间the meek coffee，系一幢商业大厦嘅 11楼。想回下气就会黎下。佢哋个午餐menu 啲酱汁都系自家制，味道好之余又健康啲。今次食咗个蕃茄海鲜意粉餐，个蕃茄酱好浓味道又多层次，个卖相好适合打卡。最钟意系度饮埋咖啡。佢哋咖啡系用两只埃塞俄比亚豆拼配出黎，我一向饮开nutty，但都钟意系佢哋呢度饮fruity 嘅豆。佢哋个风味fruity 得来又有甜度，仲好香。最紧要系抵饮！跟餐我叫杯flat white 加十几蚊就得。今次仲叫左佢哋个自家制甜品Tiramisu. 老板劲推介，话系用佢哋house blend 埃塞俄比亚并配豆黎整。个Tiramisu 无落酒，但系唔知点解食落都好似有阵阵葡萄酒香咁，啲cream 好滑。份量唔少，五十几蚊就食到真系好难系第二度揾到。总括来讲性价比极高。真心希望佢哋呢种小店可以多啲人支持所以都用啲时间写下呢个食评。