咖啡空間

营业中

休息中

终于等到放假，真系好想hea一hea，同时又想去吓新地方，就走到嚟香港地Cafe喇。最爱佢幅墙，每一个包装同宣传单张都好靓，系旧香港风味。呢度行自助嘅，令人个人空间感更强，几好。8款主食选择，又唔会单一，点都会拣到野。我就拣咗肉酱意粉配意大利西西里云吞，好好奇咩系西西里云吞。原来系包肉嘅，感觉有d似波兰出名嘅饺子名食。肉酱好多又多肉碎，酱汁质地岩岩好，最重要系意粉质感唔过软。汤都好味，南瓜底，都几浓，感觉做汤意粉又系会好正。咖啡反而就基本野，但成间餐厅感觉都已够chill补到数。（自助但手残倒泻咗啲🤣）睇睇下书又口痕痕，再叫咗蛋糕同茶。杯金盏花柚子茶又几好饮，份量又足，够我睇完半杯书。得闲又食两啖蛋糕，佢又唔会话好易溶，d cream好挺身，可以慢慢食。