影片
更多
2020-01-07
242 浏览
入去坐低睇啱想饮乜就想叫人过嚟落单，个老板娘见到我地挥手就走埋嚟话 “一阵叫同事帮你” 咁冇问题，以为佢真系会嗌人过嚟，但老板娘全程挂住同其他客人sell 兰花(唔知做乜有兰花摆卖，啲花摆到成间舖都系)，根本冇叫人嚟落单。最尾系我地自己挥手叫店员过嚟落单。咁我同友人就叫左两杯咖啡，一杯冻嘅意式泡沫咖啡，一杯就手冲咖啡。系间舖唔多客人嘅程况下，冻 cappuccino居然要20+ 分钟先嚟到，随口同位女店员讲左句“都等得几耐架㖞…”，店员答“因为要续杯整”，咁我都知咖啡系要续杯整嘅，难道可以十杯十杯咁同时整？我意思系就算续杯整都唔需要咁耐啦，又唔系啲咩刁钻嘢。都算，杯咖啡系冇冰嘅，友人话口感似室温。个层奶泡劲厚同劲“杰”，系比其他市面上嘅杰身好多。正常系要将底下啲咖啡同上层啲奶泡搅匀饮用，但由于啲奶泡太杰身，同底下嘅咖啡根本好似水沟油咁，无论搅几大力同几耐都系搅唔埋，由于佢系用玻璃杯装，完全明显见到咖啡同奶中间好似有条线，完全分开左两层，唔会搅得埋！友人全程只系饮到底下啲斋啡，到最尾差不多饮哂先开始沟得匀，十分无奈。而我叫嘅手冲咖啡居然要等30分钟，以我所知冲一杯手冲咖啡步骤唔多，计埋你
另外，我已经系第三次踏入呢间cafe，第一次系新开张个阵，个阵已经觉得啲枱櫈摆得好奇怪。第二次系中午去，入面好多人，我地企系度等位被冷待之后最终冇入到去食。第三次，即系今次，依然觉得枱櫈摆得好奇怪，形式似系大家乐个种快餐店， 正常餐厅或cafe以背对背形式摆啲枱櫈会正路啲。埋边啲原木枱仲搞笑，成张系斜嘅，啲食物同饮品摆系上面系会倾斜。出面自助吧啲餐具十分骑呢，啲碗碟系日本城卖个啲比小朋友用个啲卡通胶餐具😅次次去到见到都觉得好唔美观，好骑呢。
本人觉得呢间嘢完全唔值，佢系胜在环境好，但内部装横就唔多掂。我宁愿饮Mac cafe 都好过饮佢。Mac cafe仲多客人啦，佢地一样系续杯冲架㖞，啲人一样系适当时间内就取得饮品，大家都系整差不多嘅意式咖啡啫？你呢间店凭咩要人等咁耐？我敢肯定Mac cafe 嘅冻泡沫咖啡一定正常过呢间野。如非必要，今世唔会再去。完。
张贴