影片
更多
2021-06-25
448 浏览
公認嘅地獄返工點「觀塘」，不嬲人多車又多，但係呢個地方仲有好多隠世好店嘅！真心要推介呢間咖啡豆專賣店Cafe，想係地獄上班區搵一個好地方靜下來細味一杯咖啡，呢度絕對係一個好地方😌店員親切有禮已經係基本，重點係可以買到多款自家炒嘅咖啡豆、咖啡用品及參加咖啡課程等，絕對係咖啡愛好者必到之地👍🏻☕️Cappuccino（$34）一杯好嘅咖啡，唔只要揀豆有特色， 仲要沖得有心機😌呢杯咖啡來自花果香嘅咖啡豆，本身都怕太酸而影響口感，但相反酸味比想像中更易入口，而溫柔嘅酸味反而更帶出呢杯咖啡嘅濃郁風味，aftertaste亦幾悠長，相當有特色👍🏻另外要讚嘅係奶泡亦打得好，令杯Cappuccino層次感好出，值得推介呢杯咖啡👍🏻🍫Coca Latte（$28）轉燕麥奶（+$5）朱古力味唔太濃亦唔太甜，另可轉用燕麥奶，啱晒我呢啲奶敏感人士！🍳All Day Breakfast（$108）牛角包（+$5）有煙三文魚、雞髀菇、煙肉、炒蛋、沙律及牛油果等，炒蛋夠滑，雞髀菇及煙肉都煎得好香，整體正常發揮！最喜出望外嘅係牛角包，大舊得嚟又酥脆好食😋🍝煙肉松露卡邦尼意粉（$68）煙肉煎到卜卜脆，扁意粉食落好Crea
真心要推介呢間咖啡豆專賣店Cafe，想係地獄上班區搵一個好地方靜下來細味一杯咖啡，呢度絕對係一個好地方😌店員親切有禮已經係基本，重點係可以買到多款自家炒嘅咖啡豆、咖啡用品及參加咖啡課程等，絕對係咖啡愛好者必到之地👍🏻
☕️Cappuccino（$34）
一杯好嘅咖啡，唔只要揀豆有特色， 仲要沖得有心機😌呢杯咖啡來自花果香嘅咖啡豆，本身都怕太酸而影響口感，但相反酸味比想像中更易入口，而溫柔嘅酸味反而更帶出呢杯咖啡嘅濃郁風味，aftertaste亦幾悠長，相當有特色👍🏻另外要讚嘅係奶泡亦打得好，令杯Cappuccino層次感好出，值得推介呢杯咖啡👍🏻
🍫Coca Latte（$28）
轉燕麥奶（+$5）
朱古力味唔太濃亦唔太甜，另可轉用燕麥奶，啱晒我呢啲奶敏感人士！
🍳All Day Breakfast（$108）
牛角包（+$5）
有煙三文魚、雞髀菇、煙肉、炒蛋、沙律及牛油果等，炒蛋夠滑，雞髀菇及煙肉都煎得好香，整體正常發揮！最喜出望外嘅係牛角包，大舊得嚟又酥脆好食😋
🍝煙肉松露卡邦尼意粉（$68）
煙肉煎到卜卜脆，扁意粉食落好Creamy，加埋鴻喜菇令口感提升，而松露則令整個意粉更香更惹味😋
🦪白酒忌廉煮藍青口（$68）
青口幾鮮甜，份量都唔少，另加入咗金菇及三色椒令賣相及口感更豐富，法包蘸埋個白酒忌廉汁，都幾滿足㗎🥰
🍰蜜糖檸檬芝士蛋榚（$38）
呢款係Cafe嘅自家製芝士蛋榚，芝士比例平均，整體口感唔錯👍🏻最鍾意味道唔會太甜，帶有檸檬嘅清新😋而蛋糕面嘅檸檬皮除可作點綴外，亦令檸檬香味更突出😌難怪店員極力推介，真係無介紹錯👍🏻
朋友非常欣賞佢哋嘅咖啡，最終經店員介紹下買咗包即磨咖啡粉返屋企慢慢嘆😆
张贴
