鼎豐雞煲泰國菜 (已結業)

收工好攰，朋友提议食泰国菜，呢间餐厅除左可以食泰式小菜之外，仲可以打边炉食鸡煲，叫半只鸡煲的话，会送一碟肥牛；原只鸡煲的话，就送一碟日本和牛。预先订座仲会送串烧，可惜今次系即兴嚟食，下次预早book定位先。泰式猪颈肉沙律猪颈肉好松软，带少少酸辣，非常开胃。黄咖喱牛颈脊石锅一个锅大概有4-5片牛颈脊肉，薄薄一大片，食落有咬口得嚟又唔会太韧。泰式蒜茸包蒜茸包啱啱焗好，好香好脆，用嚟点上面个黄咖喱真系绝配。马拉盏炒通菜泰国人煮果然正宗啲，炒出嚟热辣辣，相当有镬气，食落仲好惹味。鲜芒蟹肉炒饭炒饭上面晒满蟹肉，捞匀之后食仲食到芒果肉同提子干，味道几丰富。桂花苹果无谂过杯饮品系咁大杯，苹果味道浓郁，唔会过甜。青柠梳打青柠梳打够哂冰爽，仲可以中和下油腻感。