泰象館

营业中

休息中

今次去依间泰国菜居然有薄饼同埋咖喱，所以我决定好似印式食法咁，用薄饼去配咖喱。所以我叫咗一个薄饼，蒜蓉包同埋黄咖喱鸡。蒜蓉包超级香，上边嘅蒜蓉超级足料，然后配上咖喱亦都唔错。黄咖喱味道香浓，鸡肉煮得刚刚好，入口鲜嫩多汁。佢哋嘅黄咖喱汤汁好香浓，令人食得好过瘾，而且仲会有洋葱，红椒等等各种配菜。我仲叫左一份炸芝士虾丸。虾丸炸得金黄酥脆，内里有虾肉同芝士，口感丰富。每一口咬落去，虾肉嘅鲜甜同芝士嘅浓郁味道完美交融在一起。食完咁多嘢，梗系要饮杯饮品啦，所以我叫左椰汁冰。呢个椰汁冰真系好清凉解渴。椰汁味道浓郁，冰凉爽口，令人感到好舒服。