影片
更多
2020-04-13
1072 浏览
好耐冇食印度菜，今日成家人嚟到老窦介绍嘅深水埗咖喱，位置容易找，就喺正警署对面。餐厅装修朴素，系比较旧式嘅餐厅，但系位置坐得尚算舒服，卫生正常。我哋一行四人点左个三至四人套餐，已经包左烧烤、四款印度咖喱、烤饼同印度白饭等等。等咗大概15分钟左右就一次过上晒成个套餐，有效率。食物分量以三至四人来讲尚算合适，可惜食物质素就麻麻哋啦。烧烤鸡鱼烧烤鸡完全冇味，烧烤鱼就有少少腥味。后来叫店员拎左一只薄荷酱俾我哋点，点黎食个味道就好啲，起码盖得住阵味。咖喱鸡/牛腩/羊满心期待嘅印度咖喱，应该系充满香料味道浓郁，点知哩度净系望个色都睇落好淡，好水汪汪。果然用烤饼点咖喱汁食都冇味道，质地水汪汪到唔会粘到烤饼，好淡好淡，咖喱鸡食落又系白灼鸡味，同我以前食过嘅印度咖喱好唔同，印度菜出名香料多，哩个仲淡味过平时食嘅普通咖哩，认真失望😞。印度烤饼份量多，烤饼质地软糯，仲闻到少少炭烤味，算成个套餐比较好味嘅。冻奶茶套餐包埋基本冻饮，稳阵起见叫咗杯冻奶茶，虽然唔系印度奶茶，不过味道偏甜，得好重奶同糖味，个人黎讲唔系好饮得惯。整体来讲依个价钱3-4人食到咁饱系几抵，只不过味道方面有待提升，始终印度人亲自主理，会有更
餐厅装修朴素，系比较旧式嘅餐厅，但系位置坐得尚算舒服，卫生正常。
我哋一行四人点左个三至四人套餐，已经包左烧烤、四款印度咖喱、烤饼同印度白饭等等。等咗大概15分钟左右就一次过上晒成个套餐，有效率。
食物分量以三至四人来讲尚算合适，可惜食物质素就麻麻哋啦。
烧烤鸡鱼
烧烤鸡完全冇味，烧烤鱼就有少少腥味。后来叫店员拎左一只薄荷酱俾我哋点，点黎食个味道就好啲，起码盖得住阵味。
咖喱鸡/牛腩/羊
满心期待嘅印度咖喱，应该系充满香料味道浓郁，点知哩度净系望个色都睇落好淡，好水汪汪。
果然用烤饼点咖喱汁食都冇味道，质地水汪汪到唔会粘到烤饼，好淡好淡，咖喱鸡食落又系白灼鸡味，同我以前食过嘅印度咖喱好唔同，印度菜出名香料多，哩个仲淡味过平时食嘅普通咖哩，认真失望😞。
印度烤饼
份量多，烤饼质地软糯，仲闻到少少炭烤味，算成个套餐比较好味嘅。
冻奶茶
套餐包埋基本冻饮，稳阵起见叫咗杯冻奶茶，虽然唔系印度奶茶，不过味道偏甜，得好重奶同糖味，个人黎讲唔系好饮得惯。
整体来讲依个价钱3-4人食到咁饱系几抵，只不过味道方面有待提升，始终印度人亲自主理，会有更多期望。
张贴
