湄南 (已結業)

今日放工之后去咗天晋地下新开嘅越式餐厅，整体环境唔错，晚饭时间6, 7点亦唔使点排队就有位。虽然都系两个人食但系都叫咗几多𩠌。首先点左食泰国越南嘢一定要叫嘅蒜蓉包，蒜蓉有炸过嘅香味，面包亦非常脆。另外叫咗越南滨海，第一次试食越南滨海感觉都几新鲜，配上少少酸甜酱，非常醒胃。主菜方面叫咗一个咖喱牛腩饭以及香茅鸡翼汤金边粉。咖喱牛腩饭重咖喱味，亦唔会太辣，牛腩亦都非常之腍，用嚟𩠌饭一流！反而对比之下香茅鸡翼汤金边粉略嫌较淡，而家亦都稍有血色，有待改善。