泛亞飲食

营业中

休息中

今日晏昼闷闷哋去lg7食返个饭先，APC啲嘢始终都系属于大家乐，品质有一定嘅上限，可惜价钱就冇上限，点都系有少少失望架啦。一个咖喱鸡饭盛惠阁下$28蚊，嘢饮跟大家乐政策……另计，喺呢间学校里面$28蚊唔算好平，当然又唔算好贵，呢二十多文钱，当系试食费喇。等嘅时间好短，唔晒半分钟有得食，不过食品嘅质素呢就…………唉食饭个阵大概12点零左右，应该都系peak hour嚟嘅，我估应该都几多人叫咖喱鸡喇(？)可惜兜咖喱鸡，根本睇唔出喺咖喱鸡，不如叫咖喱杂碎肉仲好过，成兜见唔到四旧连骨嘅肉，只系见到大堆大堆肉碎同埋薯仔碎。咖喱好稀,连咖喱汁都唔配，应该叫汤喇(？)，apc唔好以为有堆咖喱味肉糜喺啲味精汤到就叫做咖喱汁啦好嘛？饭就偏硬，散修修，扼唔实(尽管姐姐已经试图扼实)，卖相极度普通。其他apc野冇乜点试过不敢下定论，不过叫我回头食呢个饭，真系免喇。