影片
更多
2017-09-04
4344 浏览
唔辣既辣椒，你又听过未？唔好话我孤陋寡闻啦，之前睇饮食节目系有架。但系作为香港地用辣椒打正旗号既餐厅、如果入面卖既野根本唔辣，大家又点睇？一班人之中总有几个钟意食辣，泰国菜更加系走唔甩既环节，经过一番苦恼既搜查工作之后，终于揾到呢间Chili Club~众人准备大辣一餐。入门口之后要经过一条长长既楼梯先到铺头，我就觉得几有中世纪feel….但我班同事居然话系残旧破烂既楼梯。睇睇menu~喂正wo!全部item都好经济几十蚊咋，仲有好多选择添。咁多人就咩都叫下啦，叫下辣野先。我地问店员咩咖哩系最辣，佢居然答我地：「青咖哩、红咖哩、黄咖哩、白咖哩都辣架。」咁即系点？最尾佢推荐左青咖哩。平时都知道青咖哩同白咖哩系无咁辣，点解佢会推俾我地呢？首先当然系食沙律做前菜先，青木瓜沙律系泰国菜必备item啦!算系几清新爽口，不过份量真系细到吓人、只用平时茶楼用作盛杯既碟仔装住。可能前菜比较细碟，我地又睇下其他菜系味咁先。冬阴公汤又系细到离谱，已经系叫大size,但每人只系分得两三汤匙左右，咁不如唔好饮啦….我觉得个汤偏甜、而且唔够酸同辣，但味道大致可以接受。再来一个凤爪、从第三碟菜已经可以肯定呢间餐厅
一班人之中总有几个钟意食辣，泰国菜更加系走唔甩既环节，经过一番苦恼既搜查工作之后，终于揾到呢间Chili Club~众人准备大辣一餐。
入门口之后要经过一条长长既楼梯先到铺头，我就觉得几有中世纪feel….但我班同事居然话系残旧破烂既楼梯。
睇睇menu~喂正wo!全部item都好经济几十蚊咋，仲有好多选择添。咁多人就咩都叫下啦，叫下辣野先。我地问店员咩咖哩系最辣，佢居然答我地：「青咖哩、红咖哩、黄咖哩、白咖哩都辣架。」咁即系点？最尾佢推荐左青咖哩。平时都知道青咖哩同白咖哩系无咁辣，点解佢会推俾我地呢？
首先当然系食沙律做前菜先，青木瓜沙律系泰国菜必备item啦!算系几清新爽口，不过份量真系细到吓人、只用平时茶楼用作盛杯既碟仔装住。可能前菜比较细碟，我地又睇下其他菜系味咁先。
冬阴公汤又系细到离谱，已经系叫大size,但每人只系分得两三汤匙左右，咁不如唔好饮啦….我觉得个汤偏甜、而且唔够酸同辣，但味道大致可以接受。
再来一个凤爪、从第三碟菜已经可以肯定呢间餐厅之所以碟碟菜都咁平系因为份量系出面既一半甚至三份一，同事们基本上无可能均分所有菜式，有人食唔到饭、有人食唔到沙律…呢个泰式酸辣凤爪已经分开半只半只咁上碟，只有五个人夹左、每人半只加一两片洋葱就无晒成碟，可想而知成碟有几多!味道亦都系淡淡的，完全唔觉辣。
到侍应推荐既青咖哩鸡，入面既鸡唔可以用一件件黎形容、只可以话系一粒粒鸡去形容。其余配料只有零零落落几片青红椒同一两粒草菇….各人都觉得被骗了~Again,店员口中话全餐厅既咖哩基本上一D都唔辣啰。﹝利申：平时我食云X香只食微辣，小辣都受唔住﹞
个椰子炒饭味道唔错，全靠分到一碗仔个人先稍稍饱肚一d….但其实系同菠萝炒饭无咩分别，只系个容器唔同左。而d椰子肉又长又大块、喺个既底部无同个炒饭mix埋一齐，所以都无咩人会食d椰肉。
温馨提示：所以下次黎之前要确保自己系细食同埋会食下午茶、亦都系唔想食辣先好黎呀！
张贴
