小王牛肉麵 (已結業)

好耐无写食评，但系不吐不快，呢间小王平时好少帮衬因为食物好一般，但下午茶时间周围都多人，系佢有位就是旦！我家姐原本想食吐司，但侍应无面包，就叫左个［半筋半面］，个面上枱我地都登大左眼，成碗面得三件筋一件同手指公咁大嘅牛肉，但我地都无谂住投诉反正唔太肚饿，直到有对情侣坐我响我地隔离，又系叫呢个面，一上枱佢个反应又系疑惑点解个面明明写「半筋半肉」但上枱碗面九成都系筋得一旧肉，佢于是乎投诉，但姐姐态度非常差：「你叫嘅系咪下午茶餐，下午茶系一旧肉，你要多啲肉就加$30会多一旧肉」，哇～加钱都系多一旧咁大把🤔咁个男人就好嬲话要投诉去消委会，因为咁样有误导成份，于是乎姐姐叫经理嚟，个经理都系讲返同一说话，问佢咁你换过定系点，咁佢就换咗第二样。事件去到呢度其实我哋都唔关事，但当我地食完饮紧嘢嘅时候，态度差个姐姐同我地讲佢哋够钟食饭，要我地走佢哋要食饭，话我地想倾计就坐另外一到，我哋当然唔肯，因为佢态度真系很差，个姐姐系跟住大力将两张枱拍埋大力将佢筒饭放喺我哋隔离! 今时今日咁样服务态度，食物质素又唔系好，唔知仲可生存几耐😡