台軒 (麗豪酒店)

营业中

休息中

今日10:15pm左右到，本身谂住食隔离叉烧大王，但因为我架车咁岩泊正系《台轩》门口，而且又未食过呢间，所以就试下😁入到去全场得四张枱，但一个侍应都冇，咁我同老公就坐低先。坐左5-6分钟睇左阵Menu，准备好叫野食，终于有人喺水吧拎住4杯野出黎，当佢放低左4杯野比另一台客人，咁我就望左佢一眼（我冇举手叫侍应），睇下佢有冇发现多左我地呢台客啦😅 望左一眼，阿姐即刻用带口音既口吻讲：「自己填得啦！唔洗望住我呀！唔洗望呀！」我都未黎得切反应，然后望望枱面发现，哪有笔呀🙄 即刻忍唔住火起，叫野食要自己填落张纸度，但又唔放定枝笔比客人，咩料呀？仲要无啦啦比人闹左一野！望左一下姐，连「唔该」都冇讲呀🤬 咩态度呀？！其实想揾钱，但又咁唔钟意对客，仲要闹客人，咁不如去做扫街啦，唔洗对客会得罪客人呀嘛～忍气吞声都叫食完餐饭，其实除左个例汤好咸之外，其他野食系完全冇问题的，唔算难食，但又称唔上好味。不过因为今次被闹，点都唔会有下次👎👎👎 食餐饭一肚气😡 唉......另外发现：餐厅用既纸巾有楼上丽豪酒店Logo，心谂：呢间应该唔会系酒店旗下既餐厅挂....... 真系影响哂酒店既声誉啰～ 如果系的话，我真