樸生 (已結業)

寻晚同女友去睇戏揾食，青衣城可以一站搞掂晒，女友本身食素，话想试呢间朴生，入去行左个圈，都几多选择，有汤有热食甜品之类，见有枱客枱面有个大汉堡，都好似几吸引，正当行反去门口，念住同店员讲两位时，嗅到一阵好香浓嘅虾味，原来隔离都系佢地餐厅，望落好似一边食素，一边食肉，再入去打个转，我立即望住女友对眼，用诚恳眼神想打动佢就我一次咁多。。。原来正话嗅到强烈嘅虾味，系用紧龙虾汤打边炉！！！其实我已经忘记左正话一边行入黎，个店员一边介绍讲咩，只知好鬼多野食选择，有热食，咩关东煮，瑞士鸡翼，炒年糕，有韩式煎饼，连老火汤都有。。。真系救命。。。第二边有好多伴饭材料，原来佢地系行韩式加任食，真系咁都俾佢地念到，开价二百几，算。。。周街食餐任食都系呢个价，就试佢个虾汤底有几正，但讲到呢度好似唔记得左我女友，佢无俾我诚恳眼神打动，佢眼泛泪光点头，系因为佢地有张甜品枱响度，好多一樽樽甜品，放得几靓，宇治金时好似好吸引，但最爆系有芋圆仙草，最离地系朱古力喷泉都有，真系估佢唔到。。。正当我女友响人生交叉点，食甜品食饱佢好定坚持食素，店员话其实可以响食肉𠮶边都食得素，问题即刻解决左。讲反我最想试嘅虾汤汤底，一个字