Greyhound Café (又一城)

营业中

休息中

今日母亲节，我地四个人未够晚上6点就已经到左餐厅门口，我之前明明已经book左枱，但去到门口个职员话揾唔到我个预订，揾左好耐都揾唔倒，然后佢同我讲今日佢地有200几张枱嘅预订，所以正常今日都应该唔会book到位，但见可能时间仲早个场仲未full所以就俾我地入去，然后仲喺个门口度大叫如果后边有人喺walk in 嘅都唔好排队啦，因为唔会有位架啦（但其实食完到我地走啦都冇人系门口度排队或者等入座，所以真系唔知𠮶200几个booking会几时黎)，坐低左之后我地就开始点餐，本来想点餐厅都出名嘅猪手同埋龙虾炒金边粉，点知个职员话冇猪手同埋龙虾，咁谂住叫个软蟹沙律啦，职员又话冇㖞，咁谂住叫三文鱼沙律啦，职员又话冇㖞，然之后指住个menu同我讲哩又样冇个样又冇，最后我地就净系嗌左炸鱼饼，羊架咖哩，大头虾咖哩，配薄饼，大头虾东阴公河同蟹肉炒饭，所有食物嘅味道都好一般，羊架冇羊味，大头虾冇虾味，咖哩又无咖哩味，东阴公汤饮得出系味粉调出黎嘅，一啲诚意都冇，汤河入面嘅河粉重挞埋晒一旧旧咁，而蟹肉炒饭啲蟹肉都好唔新鲜，咬落口一啲蟹味同弹性都冇！ 成餐饭稍为正常少少嘅就系佢啲印度薄饼，咁样嘅质素都食左成千几蚊