再興燒臘飯店

营业中

休息中

如果当年米芝莲食到我碟烧排骨拼烧肉饭，我唔信佢有米芝莲。2015年攞米芝莲，个名食到而家，如果真系做得咁好，就好似人哋咁年年都咁keep住攞米芝莲啦。清醒下，各位。我食到嘅呢碟饭，我真系最多只能俾2星。平时屋企斩料返嚟，出街食过嘅烧味铺都好过佢。烧排骨拼烧肉饭烧肉，层皮完全唔脆，未食见到佢层皮烧到唔起化都知佢得个韧字。再加上，切都无切断都继续上碟，有冇尊重下自己作为斩料师傅嘅头衔。同埋，超级咸，死咸，本身烧肉偏咸我知道！自己已经重口味，但真系咸到要饮好多水，食咗两嚿唔想再食。烧骨，啲肉好柴，又无蜜味。啲饭嘅质地，就同出面茶餐厅一样，松散。油鸡拼叉烧饭叉烧，普通，平时屋企斩料加𩠌啲烧味舖仲好食过佢，如果想食有蜜汁味嘅叉烧，对唔住，无。油鸡，无乜味，都系好普通。如果选择食，请不要抱著食米芝莲等级味道，不然，失望而回就太无瘾。