影片
更多
2019-04-09
4262 浏览
今日同几个朋友黎咗呢间食葡国菜餐厅，自己唔多食葡国菜，但朋友介绍下，再加上Openrice 好评如潮，决定一于黎试下。一入去间餐厅，环境清洁，地方阔落。我地四个人个张枱都算几大，坐得几舒服。我地一共叫咗八样嘢，店员好Nice，大部分菜式都系店员推荐里斯本沙律份量足够四个人分。蔬菜配风干火腿片、咸芝士粒、橄榄粒，加上沙律醋，清新开胃。食葡国菜又点可以唔食马介休呢？薯香味重，加上浓郁嘅鳕鱼，非常好食！ 白砵烩鸡嘅鸡肉系剪完先焗，D汁锁住系鸡肉里面，好嫩滑。加上白酒煮忌廉汁、红萝卜同洋葱，配埋白饭一流。虾又新鲜又大只，个汁仲要超好食！抵赞嘅系虾已经预先开边，食起上黎好方便。葡式烧乳猪要D时间出，因为即叫即做。乳猪香脆，肥瘦均匀。配埋佢地嘅肥仔炒饭，茄汁、提子干、葡式香肠同埋炒蛋，味道好丰富！第一次食葡式西多士，最唔同嘅地方系佢个玉桂味非常突出。形状就四四方方咁，但就比较大粒，要切先食到。咖啡、白砵酒、红砵酒雪糕 个人觉得三个雪榚都好食，咖啡个个比较突出。每杯雪榚下面都会有干冰，一路食一路出烟，想唔打卡都几难。 最后饮杯Expresso 作结，成间店食物质素同环境都好好，值得一试！
一入去间餐厅，环境清洁，地方阔落。我地四个人个张枱都算几大，坐得几舒服。
我地一共叫咗八样嘢，店员好Nice，大部分菜式都系店员推荐
里斯本沙律份量足够四个人分。蔬菜配风干火腿片、咸芝士粒、橄榄粒，加上沙律醋，清新开胃。
食葡国菜又点可以唔食马介休呢？薯香味重，加上浓郁嘅鳕鱼，非常好食！
白砵烩鸡嘅鸡肉系剪完先焗，D汁锁住系鸡肉里面，好嫩滑。加上白酒煮忌廉汁、红萝卜同洋葱，配埋白饭一流。
虾又新鲜又大只，个汁仲要超好食！抵赞嘅系虾已经预先开边，食起上黎好方便。
葡式烧乳猪要D时间出，因为即叫即做。乳猪香脆，肥瘦均匀。配埋佢地嘅肥仔炒饭，茄汁、提子干、葡式香肠同埋炒蛋，味道好丰富！
第一次食葡式西多士，最唔同嘅地方系佢个玉桂味非常突出。形状就四四方方咁，但就比较大粒，要切先食到。
咖啡、白砵酒、红砵酒雪糕 个人觉得三个雪榚都好食，咖啡个个比较突出。
每杯雪榚下面都会有干冰，一路食一路出烟，想唔打卡都几难。 最后饮杯Expresso 作结，成间店食物质素同环境都好好，值得一试！
张贴
