天竜 (已結業)

荃湾路德围一带有几多小店性价比唔错、价钱较为亲民，喺昌泰街内揾到间日式居酒屋，门口餐牌有串烧食价钱唔贵就入去试下餐厅布局有啲日本古早风格，墙上啲日本海报充满怀旧气息○ 山梨橙白桃酒●首先点杯冰冻果酒消暑，外面天气真系好热。微甜桃子水果酒，回温后酒精感提升○「一品」日本冲绳海葡萄●咁闷热天气食凉拌小菜最合口胃。每次在餐厅见到有呢个都一定点，海葡萄口感轻轻卜脆脆、咀嚼时有少少汁液在口腔内爆发，点附上的日式醋汁味道更觉sharp醒○烧三文鱼头●当晚见menu有特价即时加单点嘅、好彩无走鸡！平时喺第二度食嘅都系谂住过过口瘾算下鱼骨送下酒，点知一上桌原来个鱼头咁大又多肉，唔怪得店主话要等最少15分钟，啲鱼头肉咁厚皮几脆带点焦香，鱼肉厚叠叠却烧得透唔会半生不熟，三文鱼肉唔柴几嫩滑，$45抵食！净食个烧三文鱼头已饱咗一半○烧新鲜白鳝串●新鲜与否本人无从稽考，但见佢个鱼皮烤到脆卜卜，鳝肉色带点金黄，老实讲都几香几惹味 ○日本华味鸟鸡颈肉串烧●鸡颈肉烧得几香脆惹味、下酒菜无误○阿波(德岛)酢橘鸡肝串●难得无烧过龙保持到肉汁，有内脏的质感带啲油份○猪舌串烧●牛舌平时点得多、今次转下口味嗌烧猪脷。觉得呢度嘅