一芳台灣水果茶 (已結業)

最近喺朗豪坊新开嘅一芳台湾水果茶，今日我都嚟见识吓等紧拎同排队嘅人都几多吓！ 门面装饰用咗好多生果，男友笑言话水果茶唔够料就用住先！🤣🤣🤣嘢饮款式同平时手摇店相差唔大，好多都系改咗个刁钻嘅名🤣啱啱拎到手，发现杯底比较暖，差啲以为自己嗌咗热饮🤣🤣原来系下面嘅粉圆！估计系入面一直暖住，所以微暖！充满奶香嘅粉圆鲜奶茶，Q弹嘅粉圆有啲甜，（今次已经嗌咗少糖）细细粒得嚟分量都好多！同平时嘅珍珠奶茶好唔同，值得一试，但价钱就略贵。