微酵烘焙 (世貿中心) (已結業)

之前北上已经好钟意买面包食，前几日行铜锣湾无意中发现有类似嘅面包卖，就买几个返去试。由于成6点几先去，已经唔系净返好多款拣，好在都有几款我想食嘅咸包卖。芝士火腿牛角包 - 三样野本身都好食，加埋一齐一定冇得输。芝士加热后溶化更好食，牛角包牛油味重。金砖芝士火腿 - 又系黄金组合，好味之选。著头 - 入面有薯仔、粟米同火腿，个包好软熟，上面铺满可可粉，味道不错。香软肉松包 - 好足料，望个样都知味道好丰富，食完好饱肚。章鱼大哥 - 个样好趣致，个包好有创意，不只是肠仔包。间铺嘅另一边有卖台式饮品，同友人买咗一人一杯，分别系爆爆水果茶同可可蓝芝士奶盖。水果茶好多料，味道好清甜，走甜都好清新。饮哂先见到原来有好多水果！可可蓝芝士奶盖 - 味道好有层次，芝士奶盖好浓郁，饮完好饱。面包款式多，味道都唔错，可以考虑嚟呢度买，唔使北上。