湖南苑湘菜館

喺灣仔鷹君見完客，附近又剩係得西餐廳，就順理成章過天橋落返地面搵食。

睇個名精簡、裝潢夠地道，諗都無諗決定一戰。

一行二人食量都不大，簡簡單單咗兩道地道菜，全部要求最辣。

剁椒芋頭

芋頭揀得唔錯，口感粉糯，唔會太生太削，但無乜顆粒感，好似食梗芋泥咁；

偏濕同過油，無乜辣味，唔夠香。

農家蒸魚

調味重，過鹹，似空口飲豉油，甚至蓋過魚本身嘅鮮味，如果係中意鹹魚送飯嘅人應該接受到。

魚肉算嫩，緊實有彈性，骨刺粗大，容易食用；
無蒸過龍，火候控制得可以。



餐廳座位之間密度較高，比較嘈雜，上菜慢，服務一般。