Sodam Chicken (已結業)

近期香港热门行程当中一定包括大馆, 星期日放假同几个朋友去参观, 33度高温下去行, 好鬼热, 假日参观者又特别多, 参观完之后大家都好似打左场仗咁, 好攰.参观完之后近近地系威灵顿街揾嘢食. 行左5分钟见到Sodam Chicken. 因为天气真系好热, 我地又唔想再行, 而且几个朋友都觉得食炸鸡加冰冻啤酒都唔错. 所以就走左入去了. 由于时间尚早, 所以都唔驶等位. 我地被安排坐系上层位置, 坐位较为宽敞.餐牌炸鸡选择多, 咸甜辣有骨无骨任君选择. 仲有Pizza, 鱼糕汤、年糕、水冷面、薯条等, 要拣食咩都谂左一段时间!最后我地order左特别推介嘅黄金炸鸡, 甜辣炸鸡、水冷面同埋芝士薯条.潮流兴咸蛋乜乜乜, 连韩国炸鸡都一齐凑热闹, 有黄金炸鸡! 呢个黄金炸鸡真系值得一赞, 咸蛋包住无骨鸡肉炸得好均匀, 热辣辣,脆口又够咸香, 好惹味! 真心诚意推介!传统一D嘅甜辣炸鸡其实一D都唔输蚀, 第一啖食落去甜甜地几舒服, 但佢后来追上果股辣味,所谓嘅后劲凌厉是就如此这般! 食完一件, 饮左1/3杯饮品, 真系完全不能睇小! 水冷面都做得唔错, 冰凉嘅感觉完全做得到, 面亦够弹牙, 如