影片
更多
2019-01-30
58 浏览
早排我老友话去饮啤酒，我没有多问，一口就应承佢了。佢话佢屋企附近有间几唔错既酒吧有得食咸猪手，带我去试下。我迟左少少，入到去就见到平时食醉鸡都脸红既佢，竟然饮了一大杯hoegaarden了。咁我都立即睇下有咩野饮先：餐牌上面都有好多款酒，估唔到，竟然，仲有芝士奶盖！！！不得不赞呢间德国餐厅十分贴地，相信一家大细来食都会好happy，不过，我系来同我老友饮酒的，就叫左杯stella先我望下周围环境，虽然唔算大，但灯光少少暗，播下音乐，感觉仲cosy，然后我望下墙上面的挂画同poster，有d德国野，有d啤酒咁，都几有格调架。点知竟然比我见到右面有张tarkovsky既poster...tarkovsky，俄国导演来架㖞，放张solaris的post系呢间德国酒吧，系咪想讲呢间餐厅对客人来讲，系另一个星球，会带来另一种感觉？镜头一转我就同我老友继续饮野，佢已经饮了两杯，但都仲未出过声。我就好似tarkovsky的长镜头咁，净系望住我老友，望左10分钟，看到佢表面ok，但隐含住一丝忧伤。我话，不如叫d野食啦，一睇，都几抵㖞！呢个餐真系好抵，400蚊唔洗就有猪手、香肠拼盘同nachos！不过佢
佢话佢屋企附近有间几唔错既酒吧有得食咸猪手，带我去试下。
我迟左少少，入到去就见到平时食醉鸡都脸红既佢，竟然饮了一大杯hoegaarden了。咁我都立即睇下有咩野饮先：
餐牌上面都有好多款酒，估唔到，竟然，仲有
芝士奶盖！！！不得不赞呢间德国餐厅十分贴地，相信一家大细来食都会好happy，
不过，我系来同我老友饮酒的，就叫左杯stella先
我望下周围环境，虽然唔算大，但灯光少少暗，播下音乐，感觉仲cosy，然后我望下墙上面的挂画同poster，
有d德国野，有d啤酒咁，都几有格调架。点知竟然比我见到右面有张tarkovsky既poster...
tarkovsky，俄国导演来架㖞，放张solaris的post系呢间德国酒吧，系咪想讲呢间餐厅对客人来讲，系另一个星球，会带来另一种感觉？
镜头一转我就同我老友继续饮野，佢已经饮了两杯，但都仲未出过声。
我就好似tarkovsky的长镜头咁，净系望住我老友，望左10分钟，
看到佢表面ok，但隐含住一丝忧伤。
我话，不如叫d野食啦，一睇，都几抵㖞！
呢个餐真系好抵，400蚊唔洗就有猪手、香肠拼盘同nachos！不过佢就话唔太饿咁我地就散叫算，我地都系环保之人尽量唔会做成浪费。
咁我地就叫左个德国超级香肠拼盘
白香肠同法兰克福肠水准不错，大大条，而且肉味好香，啖啖肉而且配上薯角同酸菜，不得不承认呢度的酸菜几好食，系令呢个拼盘点睛的元素
我老友基本上只食了白香肠，可能他好挂住慕尼黑吧。
佢又话唔饿，点知食得多过我，我地就再追加一份咸猪手。
份咸猪手都好大份，呢个价钱真系唔知间铺点维生，块皮好脆下，咬落去脆仆仆既声，
就好似你系无人的森林入面踩左一块失去水份的枯叶咁，
肉嫩，唔似其他地方有时d肉会老
如果我仲食得落的话，会order多三份！
食到咁上下，我老友终于出声，然后我望住佢像solaris星球上的人类一样迷妄既神情，讲：
德国肠都有成1500种啦，食死一条白香肠，好听d就叫长情，唔好听就叫
再唔啱既，转下口味食猪手啰，你想偏门d既，叫只猪手，但净系食酸菜都冇问题架。
2019年了，农历新年都就到，唔好再沉溺了系条白香肠度了。
希望我老友会ok吧。
如果唔ok，再来饮过吧，因为都真系好食又抵食！
张贴
