甜

营业中

休息中

朋友介绍屯门红桥一间甜品店的梳乎厘班㦸好正，店名叫甜，是晚特别过黎试下，原来除左甜品，亦有咸食同炸物小食，就试下佢先。七点来到，店员告知七点三先开门，ok啦去行一圈先返黎，点知七点四返到黎已有四枱客，乜个个都等开门咁夸张。⭐脆辣蜜糖芥末炸鸡窝夫点了一份炸鸡窝夫，炸鸡已切件方便食，下层仲有滑蛋添，窝夫厚身富蛋香，外脆内软🤤一份窝夫已经劲饱肚，开头仲谂住当小食，而家直头系主食黎添啦。⭐明太子烟三文鱼窝夫朋友点咗明太子烟三文鱼窝夫，呢份一样系咸食黎嘅。明太子酱同烟三文鱼鲜味咸香，下层同样有滑蛋，包埋一齐当三文治咁食真系好正，好味又有口感🤤⭐黑白配黎甜品店又点可以唔食甜品呢，叫咗个黑白配，系仙草加oreo饼碎仲有曲奇雪糕，又香又甜，原来入面仲有珍珠同小丸子，烟烟韧韧，正㖞😋⭐甘露豆花朋友点咗个甘露豆花，就系杨枝甘露加豆腐花，望落颜色比较淡，但食落芒果味同柚子味都好重，仲有滑滑嫩嫩嘅豆腐花，甜中带酸，又系正嘢黎😍⭐炸烧卖见隔离个炸物拼盘好香，我哋又加咗份炸烧卖，炸起上嚟脆卜卜，一份好似有12粒，好饱🤣本身黎系谂住食梳乎厘班戟，点知店员话今日冇，有少少失望添，唯有下次再嚟试啦。