1523 釗級廚房 (已結業)

呢间小店既咸猪手几出名，一般都要预订，walk in咁岩问到仲有咸猪手，于是dinner就食佢😊慢煮原只德国咸猪手$169必食推荐👍🏻大大只猪手外层脆卜卜，食落够晒咸香入味🤤连皮连肉一齐食，口感又脆又烟韧富，点埋个酱令味道更加丰富，酱汁同猪手既味道好夹，而且令口感湿润d，食落无咁干。薯条同翠肉瓜两样配菜都唔差，薯条上仲有紫菜粉，几鲜味，翠肉瓜加上少少黑椒粒，食落更香。份量足够2-3人分享。黑松露意粉$83松露味略嫌唔够香浓，蘑菇同虾都无乜味，味道普通。忌廉汁蟹棒肉意粉$83蟹棒肉比较少，无乜鲜味，但有好重既洋葱味，可能本人麻麻洋葱🧅觉得味道一般😅夏威夷pizza$79Pizza size略细，大概一个手掌🖐️size，不过都足料，有好多菠萝、烟肉同芝士，味道普通。椰菜花餐汤+$20餐汤食落好香椰菜花味，食真d好似仲有d薯仔味，饮落一粒粒既口感，味道唔错。职员服务态度好好，好关心客人需要☺️用餐过程几舒服，只系地方比较浅窄，堂食空间唔多。