南駅 (已結業)

早前因为练行山嘅关系，经常约朋友行完山就食餐好嘅奖励自己，今次去完紫罗兰山同大潭水塘就坐车去到筲箕湾开餐，揾揾下见到呢间餐厅唔错又唔使等位，就即刻入去医下肚先我地见海南鸡饭嘅人气好似比较高，梗系要试下，拣左清远麻鸡海南鸡饭，同我每次见亲餐牌有都会点嘅馒鱼系列，呢间餐厅特别在系馒鱼笼仔糯米饭。其实另外仲叫左个pizza，不过当日冇影到相海南鸡饭好快送到，原来除左饭同鸡仲有一壶蔬菜汤，一set用透明玻璃碟盛放住好靓，鸡肉肉质滑嫩，而且有三种酱料，分别系白醋汁、甜酱油同日本面豉酱，大家可自己选择用来沾鸡肉，而油饭好香，可以食几碗都得。另外壶中嘅蔬菜汤都好清甜，可以衬托出海南鸡饭嘅鲜味而馒鱼笼仔糯米饭亦好出色，上菜时热辣辣，蒸得香喷喷，馒鱼配上有荷叶香嘅糯米饭真系令人食指大动餐厅环境都算舒适，我地可以悠闲地倾计同品尝美食，食完呢餐我地仲去左附近出名食烧卖同其他地道小食嘅铺头帮衬，东大街果然有好多正嘢食