蟹慶

营业中

休息中

今日我去咗一间专门食唔同种类蟹嘅地方，钟意海鲜嘅朋友一定会爱上。二人特选会席套餐首先有松叶蟹肉三文鱼籽沙律同蟹肉多士，沙律入面嘅松叶蟹肉鲜嫩多汁，加上三文鱼籽嘅爽脆口感，真系好搭配。蟹肉多士就外脆内软，蟹膏蟹肉加芝士🥹刺身有呑拿鱼腩、带子同三文鱼。一个字，新鲜！呑拿鱼腩嘅鲜味真系令人惊艳，鱼油喺口腔中爆发🥰黑鱼子海胆蟹肉蒸蛋入口滑溜，海胆同黑鱼子带俾蒸蛋一点嘅咸鲜令成件事升华咗。加埋蟹肉，真系一道豪华嘅蒸蛋！原只时令活毛蟹肉鲜美嫩滑，毛蟹蟹味清淡带鲜。简单蒸都带出毛蟹嘅最佳风味。蟹盖上嘅蟹膏精华完全保留住，沾上蟹肉可使其蟹味更浓郁🤤浜烧鳕场蟹脚系另一个令我印象深刻嘅菜式。鳕场蟹脚烧得恰到好处，带嚟一阵鲜甜嘅海鲜风味。每一只蟹脚都好大只，够肉够味，好满足！最后，我试咗松叶蟹甲罗烧同松叶蟹杂炊。松叶蟹杂炊系一道浓郁嘅汤饭，米饭吸收咗蟹肉同汤汁嘅精华，每一口都带嚟满满嘅蟹味。