品粵居

营业中

休息中

今日接完个仔返童军加上外母随行，揾间中菜晚饭自是不二嘅选择，难得发现喺铜锣湾嘅边垂都有间咁企理嘅中菜馆，就过嚟试下。椒盐脆皮豆腐，豆腐份量甚丰，外脆内软，豆味香浓，炸得够脆，只系简单以少少淮盐同埋喼汁调味已经相当好食。百合蜜豆炒淮山，切成条状嘅淮山经过走油处理，有够诚意，同清新嘅百合蜜豆相当之夹。石岐烧乳鸽，皮脆肉嫩，鸽肉保时住应有嘅肉汁，相当出色。砂锅啫啫文昌鸡，啫啫鸡一摆上枱香气扑鼻，大蒜、葱头、香葱加上红椒同滑鸡嘅味道充分融和，非常惹味。