影片
更多
2019-07-09
479 浏览
好友放假由外国返黎，梗系要同佢食饭聚旧，之前黎过呢间餐厅，觉得环境舒服，价钱亦唔太贵，所以今日就选择咗黎呢度。Dinner Set 大约四百蚊左右，有前菜、餐汤、主菜、甜品及餐饮，都算唔错。点菜后店员就捧上一篮面包俾我地拣，分别有提子果仁包、法包及牛油餐包，新鲜焗起嘅面包散发出阵阵香味，每一款都好吸引。 香煎法国自然放养鹅肝伴焦糖苹果配砵酒汁 :前菜拣咗珍贵嘅鹅肝，微煎过嘅鹅肝呈金黄色，入口油脂感浓而不腻，伴碟嘅焦糖苹果味道唔太甜，有助清除口腔油脂味，迎接下一道菜。 澳洲葫芦瓜忌廉汤 :葫芦瓜汤都系第一次试，入口口感细滑，味道微甜，有d似南瓜汤，配埋软硬适中嘅法包，感觉唔错。炭烧西班牙极黑豚猪架配龙篙草胡椒汁 :黑豚猪架经炭烧后色泽好靓，外皮微脆之外，内里仍保持丰富肉汁，唔会烧得太干，虽然无配薯条，但份量已经好足够，伴碟有微烧过嘅粟米及香菇，食完猪架后食返少少蔬菜，感觉无咁油腻。法国philibon蜜瓜伴荔枝雪葩 :甜品可以选择蜜瓜或牛奶布丁，食到咁饱都想食返d水果，蜜瓜鲜甜多汁，餐厅非常细心已经切开成一旧旧，食得非常方便；荔枝雪葩入口清新，炎炎夏日食真系透心凉。食完甜品后再叹返杯咖啡
Dinner Set 大约四百蚊左右，有前菜、餐汤、主菜、甜品及餐饮，都算唔错。
点菜后店员就捧上一篮面包俾我地拣，分别有提子果仁包、法包及牛油餐包，新鲜焗起嘅面包散发出阵阵香味，每一款都好吸引。
香煎法国自然放养鹅肝伴焦糖苹果配砵酒汁 :前菜拣咗珍贵嘅鹅肝，微煎过嘅鹅肝呈金黄色，入口油脂感浓而不腻，伴碟嘅焦糖苹果味道唔太甜，有助清除口腔油脂味，迎接下一道菜。
澳洲葫芦瓜忌廉汤 :葫芦瓜汤都系第一次试，入口口感细滑，味道微甜，有d似南瓜汤，配埋软硬适中嘅法包，感觉唔错。
炭烧西班牙极黑豚猪架配龙篙草胡椒汁 :黑豚猪架经炭烧后色泽好靓，外皮微脆之外，内里仍保持丰富肉汁，唔会烧得太干，虽然无配薯条，但份量已经好足够，伴碟有微烧过嘅粟米及香菇，食完猪架后食返少少蔬菜，感觉无咁油腻。
法国philibon蜜瓜伴荔枝雪葩 :甜品可以选择蜜瓜或牛奶布丁，食到咁饱都想食返d水果，蜜瓜鲜甜多汁，餐厅非常细心已经切开成一旧旧，食得非常方便；荔枝雪葩入口清新，炎炎夏日食真系透心凉。
食完甜品后再叹返杯咖啡，慢慢同朋友倾计，非常舒服。
张贴
