品越越式料理 (雅蘭中心) (已結業)

今晚同家人行完旺角，本想行过去郎豪坊个边揾食，就系雅兰旁边见到佢，就转个念头上了去，餐厅地方够晒大，而且有喜欢嘅越式选择，一上楼梯转左就系个门口，旁边重有㗎绵羊仔摆系度做摆设，可惜有人，入内餐厅都阔落，有充足嘅座位，有梳化位、圆枱、长枱、靠窗位都有，张椅都够实稳座得十分舒服！望主餐牌选择十分多，慢慢望，见到最爱嘅鸡翼，当然要点嘅法式牛油鸡翼(4只)$62，同越式嘅紫萝牛肉米纸卷$72，同限量供应嘅品越烧乳猪$188，再加埋个越式黑白芝蔴鸡$148，今晚由我发板当然以肉为主啦！厨房效率高，店员落单等一阵就出现，最快当然系个越式黑白芝蔴鸡半只，鸡上面铺了黑白芝麻，基本上任何一件鸡都有，入口够晒软熟嫩滑，而且够晒肥美，配埋个三款酱油入口更加美味，喜欢食鸡嘅朋友必吃之选！跟住就系紫萝牛肉米纸卷，卖相精致，六件排列整齐放在碟上，薄薄嘅米纸卷住牛肉同酸甜子姜，爽口青瓜条烟韧粉丝，入口有多重口感，够晒醒胃！而法式牛油鸡翼就真系够晒味道，入口完全感受到鸡肉个种完全吸满香喷喷嘅牛油味道，只要在口中就能感受到，而且炸得十分香脆肉质嫩滑软熟！而个品越烧乳猪亦十分好味，用皮脆肉嫩去描述就十分贴切，烧得皮薄香脆