盛記酒家

营业中

休息中

今日男朋友突然间 好想食中菜廿四孝女友但唔识得煮饭嘅我梗系帮佢上网睇下我屋企附近有啲咩酒楼喇😆盛记酒楼系传统嘅中式酒楼, 所以位置宽敞 坐都几舒服！椒盐脆豆腐食炸嘢最怕油淋淋 但呢个脆豆腐炸得干身外皮香口惹味 但一咬落去豆腐滑嫩嫩的 你一口我一口好快食晒成碟！菠萝咕噜肉咕噜肉肉质松脆 外脆内软 多汁得嚟又好入味 食落唔会干峥峥 酸甜甜好开胃👍🏻 忍唔住点配菜嘅菠萝都食晒！瑶柱蛋白炒饭一上菜原来份量好大碟 虽然系蛋白炒饭但色彩丰富 上面铺满炒得好香嘅干瑶柱 饭炒得干身而且粒粒软香 用嚟送菜非常满足！