丸十日本食堂 (已結業)

葵芳新都会装修后，所有食肆层次都提升嘅几级，今日就介绍一下丸十日本食堂。其实响近呢三十年嚟，香港人对和食由尝试变成习惯，再变成执念一般探索沉迷，品味、要求并逐渐提高。大众唔再满足于寿司、拉面、放题，而追求正宗精致嘅日本料理。丸十正正就系走呢条路线！丸十位于新都会广场，地方空间大，坐位之间阔落，卡位雅座好多，私隐度高，高谈阔论都唔怕嘈到大家。店员服务细心，笑容满面。今日就试吓佢嘅丼饭、乌冬、小卷、甜品。松叶蟹三文鱼子丼蟹味浓郁鲜甜，三鱼文子味道偏咸，建议分量减半，拌饭同食。和牛丼牛肉肥瘦均匀，半熟鲜嫰，肉味香浓，加埋温泉蛋 ，超正和牛乌冬乌冬猪骨汤底味浓，配手打乌冬滑不留口，净食都已经满足。唯一扣分嘅食主角和牛，肉质瘦，超干身，半熟都改变唔到佢嘅柴口感觉。其他食评形容佢系「牛肉干」，虽然夸张咗啲，但唔过份！三文鱼小卷三文鱼新鲜，油脂丰富，好香。鳗鱼小卷味道香甜，好似食紧迷你鳗鱼饭咁，必食。草莓芭菲雪糕、鲜果、马卡龙、果酱、绵花糖、蛋卷，完美配搭，全日最大惊喜就系甜品，必食！必食！必食！丸十非常适合三五知己同行。推介葵芳和食之选