影片
更多
2018-07-25
43 浏览
早排见到呢间德国餐厅做紧晚市肠仔放题，见到食物都几吸引，可惜细食嘅我任食真系唔多抵，所以决定选择a la carte 去叫唔同款式嘅野食。坐低之后店员比餐牌我地，同时间亦都送上一碗薯片，呢啲薯片仲系无限量添加嘅添，系等候食物上台期间可以慢慢食。原只招牌德国烧猪手：食德国菜有点少得叫咸猪手呀，见到差唔多台台都有叫，我就知道味道一定唔会差。咸猪手采用烧既方式炮制，猪皮烧得好香脆，肉嫩而香滑得黎又唔太油腻，颜色呈嫩红，配埋芥末食，味道相当吸引。配菜嘅酸菜入口非常清新，令整体油腻感减低。烧汁炆烩猪手：有别于烧猪手，用烧汁炆过嘅猪手味道一d都唔咸，入口好淋，亦都唔干身，同烧猪手简直系两种唔同嘅风味。配菜仲有甘笋、青豆同埋小椰菜，令到整体颜色鲜艳，卖相非常吸引。比亚荷夫烤肠拼：德国菜餐牌上有香肠拼盘系理所当然嘅事，拼盘有分大同细，我哋人数少，要咗个细嘅，一共有四条，分别系牛肉肠、芝士肠同埋两条墨鱼肠，配酸菜、酸瓜、蒜香沙律酱同埋蜜糖芥茉酱。三款肠中，我最喜欢嘅都系墨鱼肠，味道非常香， 入口好似墨鱼丸，非常弹牙。芝士肠咬开后有大量芝士流出，非常适合喜爱芝士嘅朋友。至于牛肉肠，肉身软滑又唔骚，味道香浓
坐低之后店员比餐牌我地，同时间亦都送上一碗薯片，呢啲薯片仲系无限量添加嘅添，系等候食物上台期间可以慢慢食。
原只招牌德国烧猪手：食德国菜有点少得叫咸猪手呀，见到差唔多台台都有叫，我就知道味道一定唔会差。
咸猪手采用烧既方式炮制，猪皮烧得好香脆，肉嫩而香滑得黎又唔太油腻，颜色呈嫩红，配埋芥末食，味道相当吸引。配菜嘅酸菜入口非常清新，令整体油腻感减低。
烧汁炆烩猪手：有别于烧猪手，用烧汁炆过嘅猪手味道一d都唔咸，入口好淋，亦都唔干身，同烧猪手简直系两种唔同嘅风味。配菜仲有甘笋、青豆同埋小椰菜，令到整体颜色鲜艳，卖相非常吸引。
比亚荷夫烤肠拼：德国菜餐牌上有香肠拼盘系理所当然嘅事，拼盘有分大同细，我哋人数少，要咗个细嘅，一共有四条，分别系牛肉肠、芝士肠同埋两条墨鱼肠，配酸菜、酸瓜、蒜香沙律酱同埋蜜糖芥茉酱。
三款肠中，我最喜欢嘅都系墨鱼肠，味道非常香， 入口好似墨鱼丸，非常弹牙。
芝士肠咬开后有大量芝士流出，非常适合喜爱芝士嘅朋友。
至于牛肉肠，肉身软滑又唔骚，味道香浓有咬口，配埋自家制嘅酸菜食，仲可以消除油腻感。
德国传统焗薯批：焗薯仔批从来未试过，喺餐牌上见到觉得非常新奇，店员同我讲，系德国菜里面，焗薯仔批就好似东方人食白饭咁样。
经店员介绍之后，知道原来焗薯仔批系用两种生熟薯仔整成，加入烟肉同埋忌廉焗成，最后再淋上用猪牛骨敖成嘅烧汁， 个人认为呢个批口感有少少似薯蓉同埋蛋糕，味道非常新颖。
喺酒吧呢啲环境食嘢，又点少得叫杯饮品啊，唔饮酒嘅我哋叫咗fruit punch, 亦都为我哋今晚嘅晚餐画上完美句号。
张贴
