Lo Spazio (已結業)

Happy Friday梗系要开心啲，揾啲好野食架啦！今日同同事去咗铜锣湾Lo Spazio食西餐，因为有同事之前话试过好食！我哋一去到，就发现烟雾离漫，好大浸油烟味，以为火烛！后来侍应话因为有个焗炉有问题，而且因为open kitchen，所以会咁大烟！咁既然一场嚟到，都坐低试吓啦！首先送嚟蘑菇忌廉汤！好香浓嘅蘑菇味，好足料！👍🏻主菜我叫咗Hanger Steak！主菜一嚟到，我以为黄色果啲系炒蛋！我已经觉得好奇怪，点解牛扒嘅配菜会系炒蛋，而且睇样仲系炒到好老添，一啲都唔滑！但试咗一啖之后，发现原来系番薯蓉！啲番薯蓉好甜，好好味呀！我同事本身唔钟意食薯蓉，但系佢竟然将全部番薯蓉食晒，证明真系好好味！至于件牛扒，佢嘅软硬度适中，肉味好浓郁！甜品系朱古力蛋糕，唔算太甜，好劲朱古力味！原来餐厅响指定日子有半价优惠，下次我都试吓食晚餐先！