上岸料理 (已結業)

再次黎到尖沙咀寻觅美食，当然要食一间未食过又吸引到我既餐厅啦，最后简左就近尖东站，门外装饰日本风味十足既上岸料理。餐厅座位唔多，店员用流利日文同日本客人交流，感受到店员专业感。🥢吞拿鱼温泉蛋沙律吞拿鱼粒撒上黑椒增添鲜味，温泉蛋滑溜，另外配有紫菜汁酸酸地好开胃。🥢左口鱼薄切左口鱼切得晶莹通透、薄切如纸，食落去肉质细嫩，爽脆鲜甜。🥢日本八爪鱼水鱿鱼汁液粘滑，风味鲜美，吸力强，口感十分有趣。🥢火炙寿司分别有红衫鱼、三文鱼、竹千鱼、吞拿鱼、金目鲷。经过火焰嘅洗礼，鱼油都布满系鱼生表面，鱼油味香浓之余鱼肉都十分滑，每咬一口，都好满足，十分赞。🥢松叶蟹脚天妇罗虾天妇罗就食得多，蟹脚天妇罗就真系第一次食，除左卖相吸引外，蟹脚味道鲜甜，旁边仲有我爱吃的秋葵。🥢汁烧牛小排牛味浓郁，点沾上身旁既芥末胡椒酱，更上一层楼。🥢烧豚肉串一层瘦一层肥，丰富肉汁，非常邪恶。🥢烧油甘鱼鲛呢个真系必食，唔好睇相就觉得份量小，实际上食起上黎啖啖肉，仲有要趁热食丫。鱼肉质肥美甘香，嫩滑既鱼肉加上烧得甘香既鱼皮同鱼骨，加上带椒盐味、鱼骨焦脆，绝对唔可以错过。🥢冷稻庭平时好小食冷面，因为通常食亲都觉得麻麻，但今次却令我改观。汤汁