濟州燒肉食堂

营业中

休息中

餐厅位于德福广场Food Court旁边，主打济州烧肉，除咗有多款肉类之外亦有主食、小食等供应。店内环境唔算好大，但座位阔落而且空气感十足，食完都唔会有好大阵油烟味。私心推介究极黑毛猪盛宴，一款猪、四款牛同主食。黑毛猪梅花肉、大牛骨、牛小排、和牛牛五花、大葱切牛舌，猪肉嫩滑多汁、牛肉味突出，啖啖肉，包住生菜食可降低油腻感。主食有人参鸡汤，一整只鸡上，煮过之后都唔会话好嚡而且够入味，汤底清甜暖胃、花蛤刀削面新推出，面条Q弹，海鲜鲜甜，大件夹抵食。饮品有济州同柑橘梳打，甜度适中，十分解渴。值得一提嘅系粟米芝士同蛋系无限添加，唔觉唔觉都Encore咗好多次，质素比想像中高好多，仲可以自行调整生熟程度，令人一试难忘，越食越上瘾呀，而前菜就要额外加钱。