影片
更多
2023-10-22
93 浏览
最近生活忙碌，好耐都无出去食饭，难得有时间一于试下新餐厅！The Summit由米芝莲团队精制菜单。位于铜锣湾人气地段Tower 535，25楼高俯瞰维港景色，用餐环境富丽堂皇，落地玻璃窗、水晶吊灯、高楼底尽显气派。仲有多间独立房让你享受私人空间，写意用餐。餐厅环境无得弹，令我更期待呢度既宴会级中菜！菜式选择都唔少，有家禽、海鲜、老虎斑入馔既大菜，亦有岩晒打卡既精制甜品，仲有以茶调酒既特色mocktail同巧手饭面。今次我试左推荐既金华玉树鸡、酿焗鲜蟹盖、瑶柱荷叶饭、灯影煎堆、同花胶烩鸡丝羹，两个人食到捧腹而回。花胶烩鸡丝羹羹底厚滑醇，花胶切丝易咬又入味，拌鸡丝吃暖一暖肚，味道鲜美。金华玉树鸡 ($580)传统手工菜将鸡肉、云腿、冬菇切片拼合成玉树形状。鸡肉嫩口，清淡调味，配合云腿既咸香同冬菇鲜味，一道菜食出味道变化。酿焗鲜蟹盖 ($320)蟹肉拆丝酿入蟹盖焗香，外层黄金色已经令人相当有胃口。每啖都有扑鼻鲜香，入口香脆带鲜甜。瑶柱荷叶饭 ($300)里面材料有瑶柱、蟹肉、冬菇，米饭粒粒分明又唔会太干，吸收左食材鲜味同荷叶清香。瑶柱香口，份量超大个足够3-4人分享。灯影煎堆 ($60)时
餐厅环境无得弹，令我更期待呢度既宴会级中菜！菜式选择都唔少，有家禽、海鲜、老虎斑入馔既大菜，亦有岩晒打卡既精制甜品，仲有以茶调酒既特色mocktail同巧手饭面。今次我试左推荐既金华玉树鸡、酿焗鲜蟹盖、瑶柱荷叶饭、灯影煎堆、同花胶烩鸡丝羹，两个人食到捧腹而回。
花胶烩鸡丝羹
羹底厚滑醇，花胶切丝易咬又入味，拌鸡丝吃暖一暖肚，味道鲜美。
金华玉树鸡 ($580)
传统手工菜将鸡肉、云腿、冬菇切片拼合成玉树形状。鸡肉嫩口，清淡调味，配合云腿既咸香同冬菇鲜味，一道菜食出味道变化。
酿焗鲜蟹盖 ($320)
蟹肉拆丝酿入蟹盖焗香，外层黄金色已经令人相当有胃口。每啖都有扑鼻鲜香，入口香脆带鲜甜。
瑶柱荷叶饭 ($300)
里面材料有瑶柱、蟹肉、冬菇，米饭粒粒分明又唔会太干，吸收左食材鲜味同荷叶清香。瑶柱香口，份量超大个足够3-4人分享。
灯影煎堆 ($60)
时值中秋将至，见到呢个煎堆甜点造型好似一个发光月亮，非常应节，点左一份黎打卡。除咗造型可爱，味道都好好。香脆软韧既外皮充满芝麻同油香，咬落甜甜地。
一边食，窗外由蓝天转换晚霞，望住海景心旷神怡，气氛相当好。环境同食物都好impressive，下次再黎试其他菜式😋
张贴
