藍象泰國餐廳 (已結業)

约咗同事收工一齐出尖沙咀行街食饭，呢晚我地食泰国菜🥰蓝象当然以蓝色为主，装修甚有格调。食物选择多，有头盘、沙律、汤、海鲜、肉类、饭面、野菜、配菜&甜品。饮品方面除咗有泰式特饮，仲有唔少酒类！🐘牛油果大虾沙律 $128牛油果香浓滑溜，大虾爽口弹牙，酱汁酸甜开胃，仲有香茅同柠檬叶嘅香气，好清新！🐘小食拼盘 $168泰式沙嗲鸡串x2泰式沙嗲猪串x2脆皮青咖喱黄金包x2蓝象炸虾饼x2马可慢煮花生软糖配新鲜菠萝x2串烧外层略带焦脆，肉质保持嫩滑，配埋沙嗲酱，确实惹味！脆皮黄金包，内馅系青咖喱猪肉。虾饼鲜味弹牙，外皮非常香脆。花生软糖香浓烟韧，仲有花生粒，口感丰富，配埋新鲜菠萝，清甜中带点酸，可消去炸物嘅油腻感。🐘菠萝鸡肉炒饭 $138份量好多！炒饭有新鲜菠萝粒，提子干，腰果，肉松，饭粒炒得均匀干身，粒粒分明，味道酸甜开胃。🐘暖心榴梿挞 $108有惊喜嘅甜品！榴梿暖暖地，食落味道更浓郁，口感更幼滑！外层挞皮酥脆！再配上冰冻云呢嗱雪糕，层次丰富。