紅蟻泰國菜

营业中

休息中

牛头角食泰国菜，呢间都可算系首选，三个字︰平靓正。再多一样︰够地道。星期一至五大约一点嚟到通常都唔使等，不过都已经就坐满。嚟呢度食基本上系真系食食物本身价值，唔系环境服务，因为铺面台櫈比茶记更茶记，但服务员保持一贯泰国朋友优良友善传统。唔知由几时开始加左价，不过仲系有性价比。我可以无限encore嘅猪手饭，有半只蛋同少少酸菜，够谂够入味，成个口味唔会过份浓，惹味得嚟带清爽，份量唔多但够送饭海南鸡饭，望下周围一定好多人食紧呢样，口感清爽pad thai都成日食，加左价之后份量反而少左，但系味道依旧有水准，粉同配菜比例适中，所以口感不俗，亦唔会得闻落去香，食落唔够味，真系做到色香味俱全虾酱炒通菜，第一次叫，菜叶索晒汁，唔会过咸，好惹味猪颈肉沙律，都系第一次叫，全部人一致大赞，猪颈肉份量足够大件，食落仲好爽，酱汁酸酸辣辣好惹味，配埋西芹嘅脆，同肉嘅爽，不能更开胃夏天可以加杯龙眼冰，一啲都唔死甜，唔会令你饮果阵爽，返到去口干死呢间野其实已经食左好多次，串烧，生菜包，汤粉从来冇中过伏。lunch基本上个个都系叫碟头饭面，不过因为价钱唔贵，建议两人或以上嚟食，仲可以夹埋share试下啲小菜,因为真