's Tea 天上人間茶寮

营业中

休息中

行尖沙咀商场见到间新开嘅品茶店，有得坐低轻松坐低饮杯茶叹一叹品个茶。员工有礼貌同埋好仔细咁解释茶嘅来源同埋味道，茶叶有黎自中国、日本、泰国，都多选择。茶室嘅环境几轻松舒服，气氛几中式文青风，见到仲有独立嘅中式VIP房同埋日式座位，另外有一张不断流水同埋气雾嘅沉木中式台好高贵。等紧茶嘅期间，有时间欣赏下茶室嘅设计之余都见到有好多茶叶同茶具可以买。唔同嘅茶有冻有热选择，不过我自己觉得饮茶就要饮热先饮到个味道。我叫左福鼎原产嘅老陈皮白茶，几清香，有d柑橘清新感觉，味道甜甜地带少少陈皮甘香。坐低叹住茶食住件红枣软糖饼，饼身都几软，红枣果肉好香甜。再饮一啖茶，算系几享受既一个下午。