影片
更多
2022-08-14
1412 浏览
自从几年前搬到码头附近，就慢慢爱上这个小社区。没有楼下就是地铁站的方便，但下至街市冻肉海鲜、上至餐厅外卖，多数都是小店，都充满人情味。逢周日工人姐姐放假的日子，带小朋友出街后就好自然会叫外卖，如是者，一个月都会叫两三次庭寿司的外卖，我就认为寿司正常的味道就是和楼下外卖店一样。直至到近日叫多外卖平台的寿司直送，先发现原来份量、价钱都可以很大差异。加上小朋友出世需要较大生活空间，快将搬离社区，临别秋波，令我特别细味每件寿司的味道，和认真纪录起黎。庭寿司 (下称 楼下寿司铺) 位于全青衣最不起眼的海悦商场内，没有冷气，所有铺头都是小小的约200呎。它的装潢绝对保证外区朋友行过不会有冲动叫餐无误。不过往往到晚饭时间，门口折枱总坐著两三位朋友在等外卖，还有在路边停著车等的客人，这和楼下寿司铺的布局有很大反差。逆著时代巨流走的庭寿司，不找外卖平台送餐，叫外卖要用过底纸每件画的，或者打电话一件一件叫。虽然有时老人家我怕同人沟通，但还是要硬著头皮讲足15样寿司，讲到不知从何时开始，听电话的姐姐开始讲得出我叫陈生。事隔廿几三十年，我开始明白中学那年，探访独居伯伯叫得出佢叫罗伯时他眼神散发出被人重视的喜悦
庭寿司 (下称 楼下寿司铺) 位于全青衣最不起眼的海悦商场内，没有冷气，所有铺头都是小小的约200呎。它的装潢绝对保证外区朋友行过不会有冲动叫餐无误。不过往往到晚饭时间，门口折枱总坐著两三位朋友在等外卖，还有在路边停著车等的客人，这和楼下寿司铺的布局有很大反差。
逆著时代巨流走的庭寿司，不找外卖平台送餐，叫外卖要用过底纸每件画的，或者打电话一件一件叫。虽然有时老人家我怕同人沟通，但还是要硬著头皮讲足15样寿司，讲到不知从何时开始，听电话的姐姐开始讲得出我叫陈生。事隔廿几三十年，我开始明白中学那年，探访独居伯伯叫得出佢叫罗伯时他眼神散发出被人重视的喜悦。无它，手得几对，做得外卖平台，除左我俾既价钱会大概贵一半，店家都难预处理不可预计的接单量，和沽清物品。反正都是两步脚程，我不介意打个电话行落楼下，换我长久外卖供应价格稳定。唔好以为大公司决策先要拎APPROVAL，作为全家的大男人，一如其他街坊，俾钱果个往往都系最话唔到事果个。点解要叫楼下寿司？因为屋企大老板要食。点解要理间？因为最有影响力既用家要食小朋友寿司﹗所以俾你食到OMAKASE都好，你无返两件氹小朋友寿司，令佢开心家长放心，你都唔会有机会叫到。今次我同接电话姐姐讲，我两个大人一个细路，要一个蟹籽手卷，记住系手卷唔系军舰，其余不如你帮我执？蟹籽手卷系咩味我真系唔知，我只知道好似打街机要入钱一样。其实味道系点真系唔重要，最重要系今晚小陈生食左两个，佢食得饱大人开心。
火炙芝士玉子，蟹柳。其实我真系食唔出个酱系芝士定沙律定蛋黄酱，不过烧完出黎系卖相几好，我觉得芝士系蛋上面洒上芝士粉再烧，先有果啲粒粒效果。味道系几特别仲有啲咬口，不过食得多酱汁小弟QUOTA都会有用完既一日，留返俾细路食。我就食其他。
好啦，终于到我啦。两件大满足，系一片大紫菜一大旧饭，上面有吞拿鱼蓉、三文鱼籽、海胆、蟹籽。先唔讲味道，理个组合应该理度先食到。三文鱼籽爆开四射，加上清甜海胆同几粒葱，谂起大老板要食既鱼生都一次放晒入口，个感觉真系几满足。个人觉得老人家三高要节制，所以酱汁下次都系叫少啲或者试下唔要，直接试下鱼生鲜味。
跟住系左口鱼边，情义结我系好钟意食，其实应该唔系咩名贵食材，就好似有人食蒸鱼钟意食啲鱼鳍啲一条条骨，觉得果度鲜味啲。左口鱼火枪烧过，令鱼生较干身，亦因为咁味道较浓郁，同有少少焦香。
原来有个火炙北海卷，第一次食。真系要你唔想拎住张单一件一件叫，叫佢帮你执先会执到。唔系就个个星期就食一样既野。三文鱼火枪烧过包住圆型一旧饭，上面有一块带子，再有啲啲葱白(定韭黄？)蟹籽。几好三文鱼我觉得烧过下系好食啲，加上酱汁无咁多，食得放心啲。同埋上面啲韭黄定葱白真系好夹。
仲有一件火炙原条鳗鱼，几靓仔，都系讲紧68蚊，2022年68蚊有原条鳗鱼食，算系咁。我几年前食过长沙湾区都有，不过始终堂食，价钱无得比。听说鳗鱼系大条啲淡水养？穴子就好细条海捉，味道都唔同，价钱更加唔同。理件鳗鱼都好厚肉，有少少细骨但唔硬，如果佢加多几蚊加多啲饭，茶记一个鳗鱼饭都应该几多人会叫。
食野好多时讲心情同意境。有啲朋友用同一条米芝莲食评家既舌头，统一试晒所有铺头，其实到头来可能参考价值都唔高。正如澳牛啲叉烧汤意光速餐，外间都清一色赞多过弹。澳牛系大家既集体回忆，如果戴劳既哥哥同你讲唔该拉櫈，先至系奇怪，仲要同朋友比赛用九分钟就食完出到黎，果种沾沾自喜，可以讲足几日。饮食讲体验，觉得楼下寿司铺唔够派头，就好似我咁，开返枝两粒米，摆靓仔个盘，成件事HIGH晒 其实楼下有间唔系连锁店，品质又几好几稳定既铺头，都系一种小确幸。讲到理度，我又谂起可能有朝一日，我要搬离码头区果种依依不舍。。再听唔到落完单果位姐姐叫我陈生，突然有种唏嘘。饮啦，讲咁多‥‥‥
谂起有人话永远叫唔到外卖。因为佢得几个人做，父亲节我早一日打去订都话满左。夜晚食夜晚叫通常都食闭门羹。如果谂住夜晚食，试下中午2点落场前打去叫定。(又真系几鬼马，谂起想食想订时好少会有张MENU系手，而我选择记到就叫，记唔到就试下叫ABC餐或者俾个BUDGET佢帮我谂)
张贴
