影片
更多
2019-04-10
178 浏览
每年莆田有蛏子节，我地一定会黎食一次，呢度嘅蛏子黎自莆田哆头村，较短身同肥美，同一般香港食到嘅苏格兰蛏子唔一样。有八种食法，$198任拣两种，我地拣左蒜蓉蒸蛏子同红菇鲜蛏汤。蒜蓉蒸蛏子份量好大，蒜蓉切得好碎，真系变成蓉，完全融入蛏子，蒸嘅时间岩岩好，加埋豉油一齐食劲鲜味。红菇鲜蛏汤，第一次听同食红菇呢种菇菌，上网睇话佢系菇中之王仲有抗癌作用，好有营养价值。汤饮落浓味亦都好鲜甜，系特别而且讨好嘅味道，蛏子可能吸左汤，比蒸嘅肥美，亦都更有鲜味，有惊喜。冰浸苦瓜系老公拣嘅，佢话清热气㖞，我怕苦瓜嘅苦味，但冻同点埋蜜糖一齐食，又唔错㖞，苦味走哂，好清凉。莆田荔枝肉望落同咕噜肉差唔多，炸得香脆，够juicy又够淋，酱汁沽满每一旧肉，仲有啖啖荔枝味。莆田扁肉汤系类似鱼皮饺同猪肉饺子嘅混合体，好有肉味，口感有少少弹牙，我地钟意食个饺子之余觉得加埋紫菜嘅汤都好好饮。兴化米粉今次第一次叫，纯粹惊唔够饱点埋，系令人印象非常难忘嘅一道菜。米粉质感特别，食落似棉花咁轻，配料有海鲜、紫菜同时菜，每条米粉都吸满汁，但又唔会太干太湿，下次一定会再食。个米粉好食到我想买埋返屋企煮，哈哈，不过份量都几多，可能下次先买黎
每年莆田有蛏子节，我地一定会黎食一次，呢度嘅蛏子黎自莆田哆头村，较短身同肥美，同一般香港食到嘅苏格兰蛏子唔一样。
有八种食法，$198任拣两种，我地拣左蒜蓉蒸蛏子同红菇鲜蛏汤。
蒜蓉蒸蛏子份量好大，蒜蓉切得好碎，真系变成蓉，完全融入蛏子，蒸嘅时间岩岩好，加埋豉油一齐食劲鲜味。
红菇鲜蛏汤，第一次听同食红菇呢种菇菌，上网睇话佢系菇中之王仲有抗癌作用，好有营养价值。汤饮落浓味亦都好鲜甜，系特别而且讨好嘅味道，蛏子可能吸左汤，比蒸嘅肥美，亦都更有鲜味，有惊喜。
冰浸苦瓜系老公拣嘅，佢话清热气㖞，我怕苦瓜嘅苦味，但冻同点埋蜜糖一齐食，又唔错㖞，苦味走哂，好清凉。
莆田荔枝肉望落同咕噜肉差唔多，炸得香脆，够juicy又够淋，酱汁沽满每一旧肉，仲有啖啖荔枝味。
莆田扁肉汤系类似鱼皮饺同猪肉饺子嘅混合体，好有肉味，口感有少少弹牙，我地钟意食个饺子之余觉得加埋紫菜嘅汤都好好饮。
兴化米粉今次第一次叫，纯粹惊唔够饱点埋，系令人印象非常难忘嘅一道菜。米粉质感特别，食落似棉花咁轻，配料有海鲜、紫菜同时菜，每条米粉都吸满汁，但又唔会太干太湿，下次一定会再食。
个米粉好食到我想买埋返屋企煮，哈哈，不过份量都几多，可能下次先买黎同屋企人一齐食。
临走饮返杯姜茶，系满意嘅一餐。
张贴
