影片
更多
2011-12-31
69 浏览
---嗯...大家唔好见我呢篇食评比笑就以为正...比笑系因为我食完返到屋企竟然个肚无事而笑左出嚟XD---「对唔住!等位要等45分钟...」听著朋友对另一间餐厅的询问得翻嚟的冰冷结果，我地只好另觅食肆。不过，烦忙的铜锣湾中要揾到比较平的食肆......实在有相当高的难道。......我抬头望向天空...有无餐厅系好食嘅呢......「打唔成边炉...不如食湾仔明将啦喂!」我身边的一个朋友正好比左一个相当"稳当"的提议。就系咁...我地就踏上左去呢间"有口皆碑"的著名任食寿司店的旅途。琴日，系我的脑海第一次对寿司大叫「唔要呀!」的日子......素闻明将寿司店光顾者无数，中伏者更多如天上嘅繁星...我"当然都好想"去体验同验证一下前人的传奇故事...咩"45蚊用味蕾听3个故事"、"一行n个人踏上旅途打魔王"等等...我又点会未听过呀...所以当初我实在难以相信...点解咁多人会有勇气作主动嘅挑战直到琴日...我终于明白...一生人总要试一次呢种另类嘅"浪漫"。随著我地一行4人踏入店舖的一瞬，所谓的传说全都化为眼前一幕幕嘅实景......首先映入眼帘嘅正系"美艳"无比的吞拿鱼沙律军舰，"
「对唔住!等位要等45分钟...」听著朋友对另一间餐厅的询问得翻嚟的冰冷结果，我地只好另觅食肆。
不过，烦忙的铜锣湾中要揾到比较平的食肆......实在有相当高的难道。
...
..
.
我抬头望向天空...有无餐厅系好食嘅呢...
...「打唔成边炉...不如食湾仔明将啦喂!」我身边的一个朋友正好比左一个相当"稳当"的提议。
就系咁...我地就踏上左去呢间"有口皆碑"的著名任食寿司店的旅途。
琴日，系我的脑海第一次对寿司大叫「唔要呀!」的日子......
素闻明将寿司店光顾者无数，中伏者更多如天上嘅繁星...
我"当然都好想"去体验同验证一下前人的传奇故事...
咩"45蚊用味蕾听3个故事"、"一行n个人踏上旅途打魔王"等等...我又点会未听过呀...
所以当初我实在难以相信...点解咁多人会有勇气作主动嘅挑战
直到琴日...我终于明白...一生人总要试一次呢种另类嘅"浪漫"。
随著我地一行4人踏入店舖的一瞬，所谓的传说全都化为眼前一幕幕嘅实景......
首先映入眼帘嘅正系"美艳"无比的吞拿鱼沙律军舰，"浓郁"而"黏稠"的吞拿鱼沙律酱，伴随著"紧凑"的白饭同貌似"爽口"的紫菜，只系睇到都己经"大饱眼福"...
为左唔好比自己咁快就饱肚...我立即转头望向左边的日本式装修，虽说系日本式的装潢，系如此昏暗嘅环境下要睇清环境仍然唔容易...
朋友首先送上热茶，个人觉得呢杯热茶相当唔错(呢个唔错无打引号啊)，茶味香浓，虽然只系茶包级数但仍然吸引...
当然...有边个人食寿司只会饮茶呢...随著我将一整杯暖茶送入口中解渴，真正的"享受"正式开始...
第一碟...亦系屈指可数的称得上还可以的...正系平凡不过的三文鱼寿司，三文鱼色泽稍暗，味道称不上美味，但仍算合格，起码无怪异的鱼腥味同质感正常。但系......最可惜的系店家极其"慷慨"，三文鱼片虽不至于透光，仍然薄如无物，彷佛我地一行4个人千里迢迢嚟到就系为左比五十几蚊任食"美味"的白饭...
系喇...讲起白饭...店家的寿司饭握功十足，我只系食过中空而口感不俗的寿司饭，但无奈我见识太显浅------琴日系我第一次食<夹起3秒就会瓦解的寿司饭>...呢种另类的握饭方式...实在令我不得不佩服店家的创意.....赞好!
由铜锣湾徒步行到湾仔，路程谈不上遥远，但系点都无可能只食一种寿司当翻去挂...!!所以我地转战玻璃虾寿司...!!
一如以往，白饭"紧凑到不行"，但系玻璃虾又好似无咩大问题......质感等等确实比唔上其他相对较高档的店家，但系味道正常，鲜味唔突出，但仍可入口，亦系我填入<推介美食>栏的第二项食物，亦系最后一项。
之后其中一个朋友提议"猜输个果个要打大佬"...所以我地快速物色大佬人选...
咸鱼(!)寿司、带子寿司、海鳗寿司、螺肉军舰、蛋白沙律军舰、白饭鱼寿司等等...都系我地认错的大佬...虽说味道不好、不自然，仍比不上真正的大佬---菠萝军舰......咸鱼寿司(不知道确实的名称)入口的瞬间，鲜味十足，点知我一放松...先惊觉......
烟靭咸鱼冲击牙齿...
独特腥味挑逗喉咙...
...
此刻...我的耳边彷如响起了熟悉的歌曲...「只能说我输了...」
带子寿司我本人无试过......听朋友忆述味道很一般...而且卖相极干..."完全可以有效"提升食欲...
海鳗寿司卖相和味道合理，但个人并不特别推介，因为比较硬身...口感同心目中的海鳗有所出入...
螺肉军舰看似大佬...原来味道尚可...但"温暖"非常的螺肉送入口的一刻确实令我吓怕了...师傅原来有做解冷的功夫呢...
蛋沙律军舰应该是"卖相最吸引"的其中一种寿司，奶白色的酱汁同蛋沙律互相辉映...味道相当"新鲜"...绝对有清新怡人、如沐春风的感觉...!!
白饭鱼寿司是鱼味最浓郁的其中一客...腥味仅次于同店的希灵鱼寿司...(顺带一提，希灵鱼寿司具有相当抢眼的萤光黄色...与其他店家的相比更为夺目)
您问我它的口感如何
我只可答你:只能以白饭鱼......布鞋作比较。
想再进一步刺激味觉请您点一客我地心中大佬------菠萝军舰，卖相相信是全场最瞩目的一客(除左吞拿鱼沙律军舰)...
朋友吃罢...先发现原来酸可以有咁多层次...
埋单后步出餐厅...望向更为深沉的天空...
...
..
.
仲记得我最初心中自问...「有无餐厅系好食嘅呢...」
吃罢....我再次心中自问...「边有餐厅唔好食嘅呢...」
张贴
