9 3/4 cafe (已結業)

又到每个月出粮后嘅一餐食好啲，今次都系黎返上次试过一次的 9 3/4 cafe. 今次叫左南瓜汤，奶油啤酒，日本八爪怪（明太子鱿鱼忌廉扁意粉），密室火凤凰（芝士焗鸡扒配西班牙火腿），同一个不知名的小食（因为系老板请，望过餐牌唔见有😂。个小食系炸虾黎，当头盘开开胃最好。南瓜汤保持水准，味道岩岩好，唔会太浓。奶油啤酒同去日本环球影城饮过嘅一样咁甜😂。因为老婆话想食忌廉野，所以叫返上次食过嘅明太子鱿鱼忌廉扁意粉，足料好味。至于我今次就食咗芝士焗鸡扒配西班牙火腿，鸡扒好Juice。因为焗过嘅关系，系面头有啲溶左嘅芝士同西班牙火腿，夹埋块鸡扒真系好好味。由于食左咁多野都饱饱地，所以今次都系未试到啲蛋糕，下次再去先试。Ps: 除左野食好味，铺头跟返主题好多哈利波特场景同配件比客人去影相打卡，所以钟意哈利波特嘅朋友一定要去捧场。